Tá Téacs Taistil ar ais ar TG4 le sraith úrnua a gheallann níos mó fuinnimh, spraoi agus eachtraíochta ná riamh. Tosóidh an tsraith oíche Déardaoin an 2 Aibreán ag 21.30, agus beidh triúr láithreoirí aitheanta i mbun taistil ar fud an domhain: Louise Cantillon, Séaghan Ó Súilleabháin agus Proinsias Ó Coinn. Beidh réalta Ros na Rún, Laura Ní Aoidhne, le feiceáil i roinnt eipeasóidí chomh maith.
Tá clú agus cáil bainte amach ag Séaghan Ó Súilleabháin, nó an “Kerry Cowboy”, le blianta beaga anuas, agus é anois ina cheathrú sraith den chlár. Is as Uíbh Ráthach i nGaeltacht Chiarraí do Shéaghan, agus tugann sé greann nádúrtha, macántacht agus fuinneamh don tsraith. Ó thús a thurais ar TikTok go dtí saol taistil idirnáisiúnta, tá sé tar éis a mharc féin a fhágáil agus bród Chiarraí á iompar aige ar fud an domhain.