An tseachtain seo táimid ag breathnú ar na rialacha a bhaineann le dá. Chonaiceamar an tseachtain seo caite go mbaintear úsáid as má chun coinníoll cinnte a chur in iúl. Úsáidtear dá, áfach, chun coinníoll éiginnte a chur in iúl. Úsáidtear an modh coinníollach agus an foshuiteach caite le dá, agus cuireann sé urú ar an mbriathar más féidir, agus cuireann sé n- roimh ghuta. Féach na samplaí seo:
- Dá mbeadh go leor airgid agam cheannóinn carr nua
- Dá n-éireofá níos luaithe bheifeá ag an oifig in am
- Dá n-éistfeadh sí lena máthair ní bheadh an fhadhb sin aici anois
- Dá rachaimis le chéile thiocfadh linn praghas níos fearr a fháil
- Dá ndúnfadh siad an doras ní thiocfadh an cat isteach
- Dá labharfá léi thuigfeadh sí
Athscríobh na habairtí seo gan na lúibíní
- Dá (scóráil) sí an cúilín sin (bain) siad an cluiche.
- Dá (las, tú) an solas (féach tú) an leabhar ar an tábla.
- Dá (buail) sé an garda (bí) sé i dtrioblóid mhór.
- Dá (déan) sí staidéar (faigh) sí marc níos fearr.
- Dá (díol) siad an fheirm (bí) siad in ann dul ar scor.
- Dá (fan, tú) i do thost ní (clois) sé thú!
- Dá (feic) siad an prácás (bí) fearg orthu.
- Dá (tabhair) sé an nuachtán di (léigh) sí an t-alt.
- Dá (tar, tú) liomsa ní (bí) ort brón.
- Dá (glan, tú) an carr (bí) sé níos fusa a dhíol.
- Dá (téigh, muid) níos luaithe (feic, muid) tús an dráma.
- Dá (léigh, tú) na treoracha (críochnaigh, tú) é níos luaithe ná mar a chríochnaigh.