Ceanglaíonn an réamhfhocal i leis an aidiacht shealbhach mar seo a leanas:
- Táim i mo chónaí Táim i mo shuí/sheasamh
- Tá tú i do chónaí Tá tú i do shuí/sheasamh
- Tá sé ina chónaí Tá sé ina shuí/sheasamh
- Tá sí ina cónaí Tá sí ina suí/seasamh
- Táimid inár gcónaí Táimid inár suí/seasamh
- Tá sibh in bhur gcónaí Tá sibh in bhur suí/seasamh
Ceanglaíonn na réamhfhocail le agus do leis an aidiacht shealbhach mar seo a leanas:
- le mo chara do mo chara
- le do chara do do chara
- lena chara dá chara
- lena cara dá cara
- lenár gcairde dár gcairde
- le bhur gcairde do bhur gcairde
- lena gcairde dá gcairde
Athscríobh na habairtí seo gan na lúibíní
- Tá Pádraig ina (cónaí) i dTrá Lí.
- Bhí sí fuar mar bhí sí ina (seasamh) taobh amuigh.
- Táim i mo (suí) os comhair na teilifíse.
- An bhfuil sibh in bhur (seasamh) ansin fós?
- Tá siad ina (cónaí) faoin tuath anois.
- Tá an fear bocht ina (suí) ar thaobh na sráide.
- Bhí mé i mo (seasamh) ag fanacht leis an mbus.
- Bhí brón ar Shíle mar d’imigh a cara Pól agus tá seisean ina (cónaí) i Sasana anois.
- Nuair a bhí mé óg bhíomar inár (cónaí) ar fheirm.
- Ta Seán ag caint lena (cara).
- Thug na cailíní bronntanas dá (col ceathrar).
- Tá Pól agus Éamonn ag teacht chuig an gcóisir lena (cara).
- Is maith le mo (cara) scannáin, agus táimid ag dul go dtí an phictiúrlann.
- Beidh Seán ag caint lena (múinteoir) sa rang inniu.
- Thug sí an cárta dá (deartháir) nuair a bhí a bhreitlá ann.
- D’inis sé dá (máthair) faoin timpiste.