Ná bac leis an Eoraifís i mbliana! Is é Ceatharlach a bheidh i lár an aonaigh oíche Dé Sathairn beag seo nuair a roghnófar iarratas na hÉireann le bheith páirteach sa Chomórtas Idirnáisiúnta Pan-Cheilteach 2026.
Reachtáilfear Comórtas Náisiúnta Amhrán Nua-Chumtha Pan-Cheilteach ’26 in Amharclann GB Shaw/Ionad Ealaíne VISUAL, Ceatharlach oíche Dé Sathairn, an 24 Eanáir ag 8 pm.
As 46 iarratas san iomlán don chomórtas i mbliana, tá 15 amhrán den scoth roghnaithe don ghearrliosta le bheith páirteach sa chraobh. I measc na n-amhrán ar an ngearrliosta tá cinn as Co. na Gaillimhe, Dún na nGall, Maigh Eo, Baile Átha Cliath, Loch Garman, Ciarraí, Cill Chainnigh agus Ceatharlach.
Cuirfear na hamhráin i láthair beo os comhair painéal moltóirí agus lucht féachana. Is iad na moltóirí i mbliana ná Charlie McGettigan buaiteoir na Eurofíse 1994, an t-amhránaí agus cláirseoir aitheanta Órla Fallon agus craoltóir ar Kclrfm Martin Bridgeman.
- Áine Durkin. “Briseadh Croí”. Conamara / Dún na nGall
- Dave Barron & Fiach Ó Muircheartaigh. “Dúlra Scriosta” Ceatharlach
- Bernard McCabe. “Tabhair Dom Do Lámh” Muigheo
- Seán Breathnach. “Ceatharlach Le Chéile”. Ceatharlach
- Paul Kelly & Damian Mac Gabhann. “Imigh Ón áit Seo”. BÁC.
- Damian Mac Gabhann. “Hé Hó Craic ar an mbád”. BÁC.
- Emmet Jones/Dara Eaton. “Mo Ghrása” Dara & The Patsys. Ceatharlach
- Fergal De Cantúin. “Caoineadh Deirdre” Cill Chainnigh.
- Stephen Murphy. “Aithrí”. Loch Garman
- enCÓRe. “Ós Do Chomhair”. Ceatharlach
- Éire & Chulainn Ó Faoláin. “An Áit a mBíonn Faoin Uisce”. Loch Garman
- Noeleen Ní Cholla. “Fan Liom”. Gaoth Dobhair, Dún na nGall
- Amano Miura. “An Domhan Thíos” An tSeapáin & Cill Airne, Ciarraí
- Éabha Breathnach. “Ceanndána”. Conamara.
- Oisín Mac Cinnéide & Gaelcholáiste. “Siúl Ar Aghaidh”. Ceatharlach.