Tá oíche mhór na bliana anseo arís, an Late Late Toy Show ar ais anocht agus sceitimíní ar fud na tíre cheana féin. Beidh gach duine ag súil leis an draíocht, an ceol agus na hiontais a dhéanann an seó chomh speisialta gach Nollaig.
Beidh téama na bliana seo á choinneáil faoi rún go dtí anocht. Sa tríú bliain mar óstach dó tá Patrick Kielty tar éis téamaí spreagtha ag scannáin Nollag a roghnú go dtí seo, le Home Alone in 2024 agus Elf in 2023. Ina theannta sin, beidh gach duine ag tnúth go mór leis na geansaithe Nollag difriúla a bheidh Patrick a caitheamh i rith an tseó.
Taispeánfar raon iontach bréagán ar an seó a cheiliúrann cultúr agus cruthaitheacht na hÉireann, lena n-áirítear cluichí, puzail agus leabhair i nGaeilge chun do léitheoirí óga a spreagadh léamh ina dteanga dhúchais.