Dé Máirt seo caite thug Uachtarán na hÚcráine Volodymyr Zelenskyy, cuairt stáit go hÉirinn na 26 contae. Tháinig sé isteach go déanach in Aerfort Bhaile Átha Cliath an oíche roimhe ag 11 agus chas an Taoiseach Micheál Martin leis chun fáilte oifigiúil a chur roimhe. An mhaidin dar gcionn bhuail sé isteach go dtí Áras an Uachtaráin le bualadh leis an Uachtarán nuathofa Catherine Connolly. Is é an dara ceannaire idirnáisiúnta a tháinig go hÉirinn ó toghadh í, tar éis John Swinney, Céad-Aire na hAlban.
Níos déanaí chuaigh sé go Tithe an Rialtais in aice le Tithe an Oireachtais ar Shráid Mhuirfean, áit a bhfuair sé garda onóra ó fhórsa cosanta an stáit. Bh cruinniú ansn aige leis an Taoiseach Micheál Martin. Go luath ina dhiaidh sin arís thug sé an turas gairid go Tithe an Oireachtais i dTeach Laighean, áit ar bhuail sé le Ceann Comhairle na Dála Verona Murphy agus Cathaoirleach an tSeanaid Mark Daly.