Bhí comhpháirtíocht idir Gaelcholáiste Chill Dara ar an Nás agus Crann an tseachtain seo caite chun beagnach 200 crann óg a chur i dtalamh na scoile. Is é Crann an eagraíocht dheonach crann is mó in Éirinn atá tiomanta dár gcrainn, dár bhfálta sceach agus dár gcoillearnach a chur chun cinn agus a chosaint. Is cás buaite é do phobal na scoile agus bainfimid tairbhe ollmhór as sna blianta amach romhainn, feabhas a chur ar chaighdeán an aeir, úinéireacht chomhshaoil na scoláirí a chothú, bithéagsúlacht a mhéadú, agus an scoil agus an talamh a mhaisiú, chomh maith le hoidhreacht dhearfach a chruthú don phobal.
Chaith rang garraíodóireachta na hidirbhliana lá ag tógáil limistéar mór tearcúsáidte ag bun páirce sacair nach raibh oiriúnach do spórt agus d’athraigh siad áit lom ina thearmann don bhithéagsúlacht amach anseo. Le cabhair ó ionadaithe Crann, James agus Leona, d’fhoghlaimíomar ar dtús conas an talamh a ullmhú le haghaidh plandála, an tábhacht a bhaineann le múirín a chur leis agus síológa crainn a spásáil ionas go mbeidh seans níos fearr ann go mairfidh siad. I measc na gcrann dúchasach a chuireamar bhí dair, caorthann, silíní, saileach, beithe airgid, sceach gheal agus sceach dhubh. Ar an drochuair do na coiníní áitiúla b’éigean dúinn cosantóirí a úsáid timpeall bhun na gcrann chun na gais a choinneáil slán ó bheith ite!
Anois go bhfuilimid tar éis feasacht a phlandáil, a chur chun cinn agus a mhéadú faoi chrainn le James agus Leona, caithfimid úinéireacht a ghlacadh ar ár mionchoillearnach. Is é an dea-iarchúram atá foghlamtha againn ná an difríocht idir rath agus teip bhunú ár gcrann óg. Ní mór dúinn féar agus fiailí a rialú timpeall síológa nua-phlandáilte, iad a chosaint ó dhamáiste ó ainmhithe agus na síológa a sheiceáil go rialta. Ba é seo an chéad uair a bhí deis ag aon duine againn páirt a ghlacadh i dtionscadal den sórt seo. Tá buntáistí aige freisin dár staidéar ar nós éiceolaíocht agus ár dtuiscint níos leithne ar inbhuanaitheacht agus ar an gcomhshaol.
Tá Crann i gcomhpháirtíocht le Brown Thomas Arnotts dá dTionscnamh Inbhuanaitheachta Comhshaoil chun 100,000 crann a phlandáil laistigh de dheich mbliana. Is trí chomhpháirtíochtaí tráchtála den sórt sin is féidir le scoileanna tairbhe dhíreach a bhaint as agus feabhas a chur ar a dtimpeallacht scoile. Trí líon mór crainn óga a phlandáil, tá súil againn ár mionchoillte sa todhchaí a iompú ina tearmann don fhiadhúlra. Saibhreoidh sé seo luach fiadhúlra ár gcrann agus cuirfidh sé le taitneamh foriomlán ár n-infheistíochta.