Úsáidtear an aimsir láithreach chun tagairt a dhéanamh do rud a tharlaíonn go rialta, mar shampla, inniu, gach lá, gach seachtain.
Cosúil leis an aimsir chaite ar fhéachamar uirthi an tseachtain seo caite, is aimsir réasúnta simplí í. Féach ar na rialacha thíos sula bhfreagróidh tú na ceisteanna.
Rialacha simplí
- An fhoirm dhiúltach:
- ní + consan = séimhiú
- ní + guta = faic
- An fhoirm Cheisteach:
- an + consan = urú
- an + guta = faic
An chéad réimniú
Briathra aonsiollacha atá sa chéad réimniú, mar shampla tóg, fág, fill
Ná déan dearmad ar chaol le caol agus leathan le leathan. Bíonn deireadh difriúil ar na briathra ag brath ar an gconsan deiridh a bheith caol nó leathan.
| Briathar caol, cuir | Briathar leathan, fág |
| Cuirim | Fágaim |
| Cuireann tú | Fágann tú |
| Cuireann sé/sí | Fágann sé/sí |
| Cuirimid | Fágaimid |
| Cuireann sibh | Fágann sibh |
| Cuireann siad | Fágann siad |
Déan na ceisteanna thíos i do chóipleabhar. Cuir na briathra sna lúibíní san aimsir láithreach. Is briathra den chéad réimniú iad ar fad.
1. (Faigh) tú bia Síneach ar an Aoine.
2. (Déan) mé m’obair bhaile gach oíche.
3. An (feic) sí na soilsí thall ansin?
4. Ní (tóg) sí lón léi gach Céadaoin.
5. (Féach) muid ar scannáin gach deireadh seachtaine.
6. An (ól) siad na deochanna sa teach tabhairne.
7. An (cuir) tú na leabhair ar ais ar an tseilf.
8. Ní (dún) muid na fuinneoga ag deireadh an lae.