Bhí oíche mhór cheiliúrtha í i bPáirc an Chrócaigh Dé Sathairn, áit ar bronnadh Gradaim Scothimreoirí Camogaíochta PwC 2025. Tháinig réaltaí móra an chluiche le chéile chun séasúr fíorspeisiúil eile a cheiliúradh, agus ba iad foireann shinsearach na Gaillimhe a bhí ar bharr, agus ocht ngradam bainte acu tar éis bliain iontach eile ar an bpáirc.
Bhí foireann Chorcaí, a chaill cluiche ceannais na hÉireann in éadan na Gaillimhe, ar ais i gceannarás CLG agus cúigear acu ainmnithe. Bronnadh gradaim ar Thiobraid Árann agus Port Láirge chomh maith, le Mairéad Eviston ag glacadh le gradam cosanta ar son Thiobraid Árann, agus Beth Carton, duine de na himreoirí is fearr sa tír chun tosaigh ag tabhairt gradam abhaile chuig na Déise.
Bronnadh gradaim mhóra ó Chumann Imreoirí Gael freisin, Imreoir na Bliana sna trí ghrád, sinsear, idirmheánach agus sóisear. Ba í Aoife Donohue ó Ghaillimh a glac gradam imreoir sinsearach na bliana, agus mhol sí a foireann nuair a ghlac sí an gradam. “Is mór an t-ádh atá orm a bheith mar chuid den fhoireann seo,” ar sí. “Ní bheinn thuas ar an ardán murach na cailíní. Oíche iontach don Ghaillimh í.”