Bhí bród i bPáirc an Chrócaigh le deanaí nuair a tugadh aitheantas náisiúnta do 54 club ar fud na tíre as a gcuid oibre ar son na Gaeilge ag ócáid bhliantúil Fhondúireacht Sheosaimh Mhic Dhonncha (FSMD). Ina theannta sin, bronnadh boinn ar chúig bhord contae a ghlac páirt sa rannóg nua do bhoird, rud a léirigh an fás leanúnach sa scéim.
Trí chlub a fuair bonn óir, 14 chlub a ghnóthaigh bonn airgid, agus 37 club ar bronnadh bonn cré-umha orthu.
Is iad Átháin CLG, Co. Luimnigh, an Clochán Liath CLG, Co. Dhún na nGall, agus Naomh Uinsionn CLG, Baile Átha Cliath buaiteoirí bhoinn óir 2025.
I mbliana tugadh aitheantas do chlubanna ó na contaetha seo a leanas: an Clár, Aontroim, Ard Mhacha, Baile Átha Cliath, Ceatharlach, Cill Dara, Corcaigh, an Dún, Dún na nGall, Fear Manach, Gaillimh, Laois, Liatroim, Lú, Luimneach, Longfort, an Iarmhí, Maigh Eo, Muineachán, Sligeach agus Tír Eoghain.