Is sraith spéisiúil ceithre chlár fhíorasacha siamsaíochta é Ó Mhuir Go Tír óna bhfaightear léargas faoi leith ar na modhanna taistil ar farraige idir na hoileáin amach ón gcósta agus tír mór ó na 1950í go dtí an lá atá inniu ann.
Idir charranna ar bháid leathdheiceáilte, máithreacha agus páistí nuabheirthe ag teacht abhaile i gcurach, soláthar bia á thabhairt i bpunta nó i ngeál, agus daoine óga arbh éigean dóibh dul faoi oideachas ar tír mór, ní raibh an saol riamh furasta ag oileánaigh!
Ar an tsraith faisnéise seo, arna cur i láthair i nGaeilge, tugtar léargas domhain ar na bealaí trasna idir oileáin agus mórthír na hÉireann ó na 1950í i leith. Cloistear scéalta faoi gheábhanna contúirteacha, faoi luchtanna iontacha á dtabhairt anonn agus faoi mhodhanna aisteacha a seiftíodh lena n-iompar. Feictear an t-athrú a tháinig ar na turais le cora nua teicneolaíochta agus an t-athrú dá réir ar shaol na n-oileánach le báid farantóireachta nua-aimseartha.
Na carachtair shuimiúla a bhíodh ina bpaisinéirí a inseoidh scéalta ar Ó Mhuir Go Tír faoi shoithí éagsúla ar an bhfarraige chontúirteach agus na daoine calma a mbíodh de chúram orthu iad a thabhairt ó A go B, más le haghaidh oibre nó scolaíochta é, ar mhaithe le cóir leighis nó chuig an siopa uair sa tseachtain.
Is sraith spéisiúil Ó Mhuir Go Tír ina bhfaightear tuiscint dhomhain ar thurais dhrámatúla farraige agus an gcontúirt a bhain leis an saol ar na hoileáin le blianta fada anuas. Le scéalaíocht bhríomhar agus radharcanna scéimhiúla, déantar ceiliúradh ar an teacht aniar, an misneach agus an meanma a bhaineann le muintir na n-oileán amach ó chósta na hÉireann.
Tá Ó Mhuir Go Tír suite ar Chléire agus Inis Arcáin i gContae Chorcaí, Árainn Mhór agus Inis Mhic an Doirn i dTír Chonaill agus Inis Bó Finne, Inis Oírr agus Inis Mór i gContae na Gaillimhe, agus feictear roinnt de na himeachtaí is mó a tharlaíonn ar na hoileáin. Comórtas Peile na nOileán agus Féile Róise Rua agus an fuadar a thagann leis na Coláistí Gaeilge gach samhradh.
Aithnítear daoine thall is abhus, Fionnuala Ní Fhlaithearta ina measc, an t-aisteoir as Inis Mór agus Breandán Ó Beaglaoich, ceoltóir agus amhránaí.
Ar TG4 a bheidh Ó Mhuir Go Tír le feiceáil ar dtús agus beidh deis iontach ag an lucht féachana stair agus cultúr na n-oileán a fheiceáil chomh maith le gnáthshaol an lae ag na daoine. HG Productions a léirigh an tsraith ina ndírítear aird ar an teacht aniar atá i muintir na n-oileán agus ar an gceangal dlúth ar feadh na gcianta idir an talamh, an fharraige agus na daoine.
Ó Mhuir Go Tír, TG4, Dé Céadaoin an 15 Deireadh Fómhair 9.30 pm