Cé go mbíonn an rialtas ag maíomh go gcabhróidh na bearta a d’fhógair siad sa cháinaisnéis le tuilleadh tithíochta a chur ar fáil, deir tuarascáil a d’fhoilsigh Bainc-Aontas Éireann go bhfuil cúlú le tabhairt faoi deara sa tionscal tógála. Is dearbhú é an tuarascáil seo nach n-éireoidh leis an rialtas na spriocanna tógála a d’fhógair siad a bhaint amach.
Dar leis an tuarascáil, chuaigh gníomhaíocht tógála tithe in Éirinn síos an tríú mí as a chéile i mí Iúil agus chuir comhlachtaí tógála in iúl go bhfuil laghdú géar i leibhéil muiníne toisc cliaint ag cur moille le cinntí faoi pleananna.
Theip ar an rialtas anuraidh a sprioc tógála tithe a bhaint amach, agus deir an Insitiúid um Thaighde Eacnamaíochta agus Sósiaialta go dteipfidh ar an rialtas arís i mbliana. Is cosúil go ndearbhaíonn suirbhé an Bainc-Aontas Éireann an tuairim sin.