A Eagarthóir, a chara
Agus muid ag teannadh le deireadh an fheachtais Uachtaránachta go gairid, níl íontas orainn go bhfuil Catherine Connolly fós chun tosaigh.
Níl comparáid ar bith idir í féin agus na hiarrthóirí eile: an tUasal Gavin éirithe as, cé gur labhair ceannaire Fhianna Fáil ar a shon leis na meáin gach lá, agus an t-iarrthóir eile, an t-iar-aire Humphreys, ag athrá frásaí a páirtí pholaitiúil Fine Gael de réir mar a deirtear léi.
Tá a smaointe féin ag Catherine Connolly, agus labhraíonn sí amach gan scáth gan eagla. Is bean stuama, staidéarach í, agus i ag seasamh ar son na neodrachta, na síochána domhanda, na Gaeilge agus, ar ndóigh, i gcoinne chinedhíothú Gaza. Tá dianstaidéar déanta aice thar na blianta ar reachtaíocht ag dul trí Theach Laighean, níl aon eagla uirthi roimh obair fhíorchrua, í ag freastal gan stad ar an iliomad cruinnithe agus ag cuidiú leis an iliomad cúiseanna maithe, cur chun cinn na Gaeilge ina measc.
Dob í an t-aon iarrthóir le Gaeilge, cúis náire don stát seo, agus a chóras oideachais.
Tá feachtas Catherine Connolly ag tabhairt na n-aoisghrúpaí go léir le chéile, agus á spreagadh chun misneach agus dóchas a bheith acu gur féidir linn an tír seo a fheabhsú ar an iliomad bealaí.
Go n-éirí an t-ádh léi! Ta an t-ádh le muintir na hÉireann í a bheith againn.
Is mise, le meas
Proinsias Ní Mhurchú
Ionad Buail Isteach na Gaeilge