Tugann na figiúirí is deireanaí le fios go bhfuil laghdú suntasach tagtha ar líon na ndaoine atá ag lorg cosaint tearmainn anseo, agus, mar thoradh air sin, go bhfuil an stró a bhaineann le ceist na hinimirce ag laghdú go mór.
Tá sé ráite ag an tAire Dlí agus Cirt Jim O’Callaghan go bhfuil laghdú 43 faoin gcéad tagtha ar líon na n-iarratas ar chosaint idirnáisiúnta sna céad sé mhí de 2025 i gcomparáid leis na céad sé mhí de 2024.
Anuraidh tuairiscíodh gur ardaíodh líon na ndaoine a tháinig go hÉirinn ag lorg tearmainn go mór ó dheireadh na paindéime ar aghaidh agus go raibh sé ag leanúint ar aghaidh ag fás.
Ní raibh an stát in ann coinneáil suas leis sin. Bhí sé ag éiri níos deacra gach lá áiteanna a aimsiú le lucht iarrtha dídine a lonnú iontu.