Tá an Ceardchumann Seirbhísí, Tionsclaíoch, Gairmiúil agus Teicniúil (CSTGT) tar éis moladh a dhéanamh don rialtas gur cheart fíneálacha agus smachtbhannaí a ghearradh ar fhostóirí nach léiríonn ‘meon macánta’ i gcainteanna cómhargála le ceardchumainn.
Chomh maith leis sin, dúirt an ceardchumann gur cheart deontais stáit agus tairiscintí poiblí a shéanadh ar gach páirtí nach dtugann faoi chaibidlí de mheon macánta.
Rinne CSTGT na moltaí seo níos luaithe an mhí seo in aighneacht chuig an Roinn Fiontar mar chuid de chomhairliúchán an reáchtáin an Roinn Fiontar, Trádála agus Fostaíochta ón 14 Aibreán go dtí an 12 Bealtaine maidir le plean gníomhaíochta chun cómhargáil a chur chun cinn in Éirinn. Bhí an comhairliúchán seo de réir threoir an Aontais Eorpaigh um pá íosta.