Dís Éireannach chun craobh ghailf mór le rá a chosaint.
Tá admhaithe ag Shane Lowry gur bhraith sé, beag beann ar thoradh Rory McIlroy ag an Masters, nach mbeadh a chara in New Orleans chun a gcraobh sa Zurich Classic a chosaint an deireadh seachtaine seo.
Bhí Lowry, a chríochnaigh os cionn an phar le 81 sa bhabhta deireanach in Augusta, ag tacú go tréan lena dhlúthchara nuair a d’éirigh le McIlroy uaillmhian a shaoil a bhaint amach na ceithre phríomhchomórtas uile a bhuachan nuair a rug sé leis craobh an Masters tar éis dó an ceann is fearr a fháil ar Justin Rose i gcluiche réitigh drámatúil níos luaithe an mhí seo.
Tá McIlroy, arb as Ard Mhic Nasca dó agus é sa dara háit i liosta domhanda na n-imreoirí gailf, tar éis deireadh a chur le feitheamh 11 bhliain le héacht nach bhfuil déanta ach ag cúig imreoir eile agus a thuill rabharta aitheantais.