Ar an 23 Márta scaoil Arm Iosrael urchar le 15 chéad fhreagróir i gconbhua gluaisteán agus iad ag gluaiseacht chun cabhair a chur ar fáil do phobal Gaza san olltubaiste daonna atá ar siúl ansin i láthair na huaire. Mharaigh siad na hoibrithe uile, ansin chaith siad uathu na corpáin agus agus d’adhlaic siad iad in olluaigh eádomhain. Palaistínigh áitiúla ó Gaza a bhí sna oibrithe seo, ach iad aitheanta go hidirnáisiúnta mar gharchabhróirí bailí de chuid Chumann an Chorráin Dheirg sa Phalaistín agus Cosaint Shibhialta Limistéar Gaza.
Chuaigh an bhuíon oibrithe in otharchairr agus in innill dóiteáin chun cabhrú le híospartaigh ó spéirionsaí de chuid eitleáin chogaidh Iosrael. Mhaígh na hIosraelaigh gur bhain cuid den bhuíon le Hamas, cé nach bhfuil aon fhianaise ann a thacaíonn leis an líomhain seo.