Múineadh a lán ceachtanna dúinn le linn chinedhíothú Iosrael ar na Palaistínigh le cúig mhí dhéag anuas. Ceann tábhachtach dóibh sin ab ea an claonadh frith-Phalaistíneach a léirítear go soiléir sna príomh-mheáin san iarthar.
Ba é an chéad sampla ná an cur síos ar ionsaí frithbheartaíochta na Palaistíne ar arm Iosrael, nó briseadh amach as an bpríosún nó an campa géibhinn a rinneadh de Gaza faoi shíorléigear Iosrael. “Scrios agus creach” agus a lán focal den sórt a thugadar air ag tabhairt alltacht na dtuairisceoirí le fios, alltacht nach raibh le feiceáil uathu ag trácht ar chinedhíothú agus ionsaithe Iosrael ar na Palaistínigh le blianta anuas. Agus ó shin i leith ba é an tsíorthagairt don chinedhíothú ná gurb é eachtra an 7 Deireadh Fómhair 2023 a chuir tús leis.