Dé Céadaoin seo caite an 15 mí Eanáir tarraingíodh an múinteoir meánscoile Daithí Mac an Bhaird os comhair na cúirte in Inis as bheith i mbun agóide i mí na Samhna ag Aerfort na Sionainnei gcoinne eitleán cogaidh Mheiriceá ag dul tríd. Labhair Cathal Ó Murchú ó An Páipéar leis.
An Páipeár: Anois a Dhaithí, bhí tú os comhair na cúirte ansin le déanaí in Inis, Co. an Chláir, mar gheall ar agóid. Cén fáth go raibh an agóid seo ar siúl agaibh agus cén suntas a bhaineann le hAerfort na Sionainne?
Dáithí Mac an Bhaird: Bhí mé os comhair na cúirte toisc gur gabhadh mé ag agóid ar an 17 Samhain seo caite. Mar is eol do dhaoine, bíonn eitleáin chogaidh SAM ag teacht trí Aerfort na Sionainne agus ag atharmáil Arm Iosrael le cinedhíothú a dhéanamh in Gaza, rud atá ina ábhar mór náire, díomá agus frustrachais ag go leor daoine. Theastaigh uainn teachtaireacht a thabhairt don rialtas gur gá don sárú scannalach seo ar neodracht an stáit stopadh.
An Páipeár: An féidir leat a insint dúinn conas a tharla sé sin agus cad a tharla sa chúirt?