Cluichí ceannais na sraithe iomána agus tús á chur leis an gcraobh na sinsear sa pheil i gConnachta, Ulaidh agus Laighin
Cóilín Duffy
Tar éis buanna iontacha ag an Dún, Maigh Eo agus Lú an deireadh seachtaine seo caite, beidh deireadh le sraith iomána Allianz an deireadh seachtaine seo le babhta dúbailte atá díolta amach i bPáirc Uí Chaoimh i gCorcaigh Dé Domhnaigh seo chugainn, áit a mbeidh Corcaigh ag tabhairt aghaidh ar Thiobraid Árann i gcluiche ceannais roinn 1A ag 4pm, agus Uíbh Fhailí ag imirt in éadan Phort Láirge i roinn 1B ag 1:45pm, beo ar TG4.
Chomh maith leis sin, tosóidh craobhchomórtais na sinsear sa pheil le cluichí gCúigí Chonnacht, Laighean agus Uladh, in ionaid chomh fada i gcéin leis an Bronx i Nua-Eabhrac agus Ruislip i Londain.
Is é seo an chéad uair ó 1960 a bheidh Corcaigh agus Tiobraid Árann ag dul in adharca a chéile i gcluiche ceannais roinn 1A na sraithe iomána.